Жанубий Корея миллий жамоасининг 2026 йилги жаҳон чемпионати билан эрта хайрлашиши мамлакатда кескин норозиликка сабаб бўлди.
Мамлакат президенти Ли Жэ Мён миллий жамоанинг мусобақани эрта тарк этиш сабаблари бўйича расмий тергов ўтказишни талаб қилди ҳамда истеъфога чиққан бош мураббий Ҳон Мён Бони кескин танқид қилди.
«Мен бу кутилмаган натижадан шунчаки ҳайратда эмасман, балки бутунлай лол қолдим. Яна бир бор исботландики, кадрлар бўйича қабул қилинган қарорлар ҳамма нарсани ҳал қилади.
Бундай муҳим лавозимга лаёқатсиз инсон тайинланса, натижа кундек равшан бўлади», — деди президент.
Маълумот ўрнида, Жанубий Корея ўз гуруҳида 3-ўринни эгаллади, аммо 3-ўринни олган энг яхши жамоалар қаторига кира олмагани учун плей-офф йўлланмасидан маҳрум бўлди.
Шундан сўнг Ли Жэ Мён «Маданият, спорт ва туризм вазирлиги»га ушбу муваффақиятсизлик сабабларини ҳар томонлама ўрганиш, чуқур таҳлил қилиш ҳамда келажакда бундай ҳолатлар такрорланмаслиги учун тегишли чора-тадбирлар ишлаб чиқиш бўйича топшириқ берди.
