Саудия Арабистони футбол федерацияси президенти Ёсир Ал Мишал миллий жамоа 2026 йилги жаҳон чемпионати плей-офф босқичига чиқа олмаганидан сўнг ўз лавозимини тарк этди.
Грециялик мураббий Георгиос Донис бошчилигидаги жамоа гуруҳ босқичида Уругвай (1:1) ва Кабо-Верде (0:0) билан дуранг ўйнади. Шунингдек, саудияликлар Испанияга 0:4 ҳисобида мағлуб бўлди.
«Мен ва ҳамкасбларим Саудия Арабистони футболи ривожи йўлида қўлимиздан келган барча ишни қилдик ҳамда юртимиз ва мухлисларимиз орзу-умидларини рўёбга чиқаришга чин дилдан ҳаракат қилдик.
Бироқ миллий жамоамизнинг жаҳон чемпионатида кейинги босқичга чиқа олмагани умумий мақсадларимизга мос келмайдиган натижа бўлди.
Бунинг учун тўлиқ масъулиятни ўз зиммамга оламан ва миллий жамоадан янада муносиб натижа кутган барча инсонлардан узр сўрайман.
Мен ваколат муддатим якунлангунга қадар фаолиятимни давом эттирмасликка қарор қилдим. Белгиланган тартиб ва регламентларга мувофиқ, директорлар кенгашининг янги таркибини сайлаш жараёнини бошлаймиз», — деди 2019 йилдан буён ушбу лавозимда ишлаб келган функционер.
