А Cериянинг 38-тури доирасидаги «Торино» — «Ювентус» баҳси мухлислар ўртасидаги тўқнашувлар сабаб бир соатга кечиктирилди. Бу ҳақда Sky Sport Italia хабар берди.
Манбага кўра, стадион яқинида жамоаларнинг ультра мухлислари ўртасида можаро юзага келган. Ҳолатни назорат қилиш учун полиция кўздан ёш оқизувчи газ қўллашга мажбур бўлган.
Турин дербиси «Олимпико Гранде Торино» стадионида бўлиб ўтмоқда.
Маълумот учун, «Ювентус» А Серия турнир жадвалида 68 очко билан 6-ўринда бормоқда. Чемпионлар Лигаси зонасидан фарқ икки очкони ташкил қилмоқда. «Торино» эса 44 очко билан 12-поғонада жойлашган.
