Испания миллий жамоаси жаҳон чемпионати олдидан сўнгги ўртоқлик учрашувини ўтказади ва унда Ламин Ямал иштирок этмайди. Бу ҳақда COPE нашри хабар берди.
«Қизил фурия» мундиалга тайёргарликни Перуга қарши назорат ўйини билан якунлайди. Ушбу баҳс эртага, сешанба куни (Тошкент вақти билан 07:00) бўлиб ўтади.
Шунингдек, Луис де ла Фуэнте бу беллашувда яна икки вингер Нико Уилямс ва Виктор Мунос хизматидан ҳам фойдалана олмайди. Катта эҳтимол билан, ушбу уч футболчи жаҳон чемпионати бошланишига қадар тўлиқ сафга қайтади.
Маълумот ўрнида, 15 июн куни испанияликлар гуруҳ босқичининг илк турида Кабо-Верде билан ўйнайди. 21 ва 27 июн кунлари эса мос равишда Саудия Арабистони ва Уругвайга қарши майдонга тушади.
Аввалроқ Ямалнинг мундиал стартини ўтказиб юбориши маълум қилинганди.
