Расман: Перес — 2030 йилгача «Реал» президенти

«Реал» клубида муддатидан олдин ўтказилган президентлик сайловида овозларни санаш жараёни якунланди.

Амалдаги президент Флорентино Перес ўз рақиби Энрике Рикелмени ортда қолдириб, ғалаба қозонди.

Дастлабки маълумотларга кўра, 79 ёшли функционер сайловчиларнинг 65,95 фоиз овозини қўлга киритган бўлса, Рикелмега 34,05 фоиз сайловчи овоз берган.

Шу тариқа, Перес президенти сифатидаги ваколатини давом эттиради ва 2030 йилгача клубни бошқаради.

Маълумот учун, Флорентино 2009 йилдан буён «Реал»га раҳбарлик қилиб келмоқда. У бундан аввал 2000-2006 йиллар оралиғида ҳам клуб президенти лавозимида фаолият юритган.