Жаҳоннинг учинчи ракеткаси ҳисобланган Александр Зверев 2026 йилги Франция Очиқ чемпионати ғолибига айланди.
Германиялик теннисчи финалда италиялик Флавио Коболлини (рейтингда 14-ўрин) 5 сетда мағлуб этди.
Беллашув 4 соат 16 дақиқа давом этди. Унда Зверев 6 марта эйс қайд этди, 9 бор иккиталик хато қилди ва 19 та брейк-поинтдан 8 тасини амалга оширди. Коболли ҳисобида эса 6 та эйс, 2 та иккилик хато бўлди ва у 8 та брейк-поинтнинг 3 тасидан унумли фойдаланди.
Зверев учун 2026 йилги «Ролан Гаррос» чемпионлиги унинг фаолиятида «Катта дубулға» турнирларидаги илк ғолиблик бўлди. Бунга қадар у учта финалда мағлубиятга учраганди.
Шунингдек, Зверев сўнгги 30 йил ичида эркаклар яккалик баҳсида «Катта дубулға» турнирини юта олган илк немис теннисчисига айланди.
«Ролан Гаррос»
Париж, Франция
2026 йил 24 май – 7 июн
«Катта дубулға» турнири
Мукофот жамғармаси — 61 723 000 евро
Очиқ грунт кортлари
Финал
Александр Зверев (Германия) — Флавио Коболли (Италия) 6:1, 4:6, 6:4, 6:7, 6:1.
Эслатиб ўтамиз, аввалроқ аёллар ўртасидаги баҳсларда россиялик Мирра Андреева зафар қучганди.
Александр Зверев — «Ролан Гаррос» ғолиби
Теннис
7 июн, 18:45
Германиялик теннисчи фаолиятида илк бор «катта дубулға» турнирида зафар қучди.
Foto: Getty Images
