«Ал Ҳилол» ҳужумчиси Дарвин Нунес яқин вақт ичида клубини ўзгартириши мумкин. Бу ҳақда журналист Габриэл Санс хабар берди.
Уругвайлик футболчи Карим Бензема жамоага келганидан кейин асосий таркибдаги ўрнини йўқотди. Қайд этилишича, 26 ёшли форвард «Ал Ҳилол» билан шартномани бекор қилиш бўйича ўзаро келишувга эришган.
Дарвин эркин агент сифатида фаолиятини давом эттиради. Шунингдек, футболчининг яна «Ливерпул»га қайтишдан мамнун бўлиши таъкидланмоқда.
Маълумот ўрнида, «Ал Ҳилол» Нунесни мерсисайдликлардан 53 миллион евро эвазига харид қилганди. Аввалроқ саудияликлар Бензема трансферидан сўнг Дарвин ва яна бир легионерни чемпионат учун қайдномадан чиқариб юборгани маълум қилинганди.
