«Ливерпул» бош мураббийи Арне Слот АПЛ 2-туридан ўрин олган «Нюкасл»га (3:2) қарши ўйиндан сўнг ўз фикрлари билан ўртоқлашди.
«Бугун футбол кўрганимга ишончим комил эмас. Стандартлардан стандартларга, узун паслар ортидан ўйналди. Ўйиндан олдин айтган тактикаларим унчалик муҳим эмасди.
Лекин менга ўзимизни ушлаб туришимиз ёқди. Биринчи ярим соат, 45 дақиқа жуда оғир ўтди, аммо жамоа бузилмади. Назоратни ушлаб турдик.
Рақиб 10 киши билан қолганида, бу биз учун катта плюс бўлишини кутгандик. Аммо ҳар бир стандартни дарвозабон ижро этса, унда рақамли устунлик унчалик ёрдам бермайди. Шу боис 2:0 ҳисобини ушлаб туриш биз учун жуда қийин бўлди.
16 ёшли футболчи учун ажойиб гол. Рио ўз ёши учун эпизодни яхши якунлади. Кийиниш хонасида кимдир унга аввало тўпни тўхтатиб олиши кераклигини айтди, лекин у ўзига жуда ишонган. Ёшига нисбатан қарасак, у ҳужумларни яхши якунлайди», — дея нидерландиялик мутахассиснинг сўзларини келтиради Sky Sports.
Маълумот учун, Нгумоҳа Премер-лигада 16 ёшида ғалаба голини урган иккинчи футболчига айланди.
