Аргентина миллий жамоаси сардори Лионел Месси WhoScored статистик портали томонидан 2026 йилги жаҳон чемпионати гуруҳ босқичининг энг яхши футболчиси деб топилди.
39 ёшли аргентиналик футболчи 3 та ўйинда 6 та гол уриб, ўртача 8,92 баҳо олди. Рейтингда 2-ўринни Норвегия миллий жамоаси ҳужумчиси Эрлинг Ҳоланд (8,87), 3-ўринни эса Франция миллий жамоаси юлдузи Килиан Мбаппе (8,33) эгаллади. Шунингдек, кучли бешликдан Винисиус Жуниор (Бразилия, 8,29) ва Усмон Дембеле (Франция, 8,16) ҳам ўрин олди.
Қайд этиш лозим, Месси тўпурарлар пойгасида ҳам пешқадам бўлиб турибди. У гуруҳ босқичининг сўнгги турида Иорданияга қарши баҳс (3:1)да захирадан майдонга тушиб, жарима зарбасидан гол урди.
