Конго ДР миллий жамоаси ҳужумчиси Йоан Висса Ўзбекистонга қарши ўйиннинг энг яхши футболчиси деб топилди.
K гуруҳидан ўрин олган сўнгги тур учрашуви якшанба тонгида бўлиб ўтди ва африкаликлар 3:1 ҳисобида иродали ғалабани қўлга киритди. Висса беллашувда дубл қайд этиб, жамоасининг тарихий ютуғига катта ҳисса қўшди.
Маълумот ўрнида, 29 ёшли футболчи Англиянинг «Нюкасл» клуби шарафини ҳимоя қилади. Ушбу голлар Виссанинг турнирдаги учинчи голига айланди. У аввалроқ гуруҳ босқичининг 1-турида Португалияга қарши 1:1 ҳисобида якунланган баҳсда ҳам рақиб дарвозасини ишғол қилганди.
