UEFA жаҳон чемпионати плей-офф босқичида энг кўп жамоага эга конфедерацияга айланди.
Мусобақанинг 1/16 финал босқичига Европанинг 13 та миллий жамоаси йўлланма олди. Улар Швейцария, Германия, Нидерландия, Белгия, Испания, Франция, Норвегия, Австрия, Португалия, Англия, Хорватия, Швеция ҳамда Босния ва Ҳерцеговина ҳисобланади.
Африка футбол конфедерацияси (CAF)дан плей-оффга 9 та жамоа чиқди: Марокаш, Жазоир, Сенегал, Гана, Миср, Кот-д’Ивуар, Кабо-Верде, ЖАР ва Конго ДР.
Жанубий Америка футбол конфедерацияси (CONMEBOL)дан 5 та миллий жамоа гуруҳдан чиқди: Бразилия, Парагвай, Эквадор, Аргентина ва Колумбия.
CONCACAFдан АҚШ, Канада ва Мексика плей-офф йўлланмасини қўлга киритган бўлса, Осиё футбол конфедерацияси (AFC)дан Австралия ва Япония кейинги босқичга чиқишга муваффақ бўлди.
Аввалроқ 1/16 финал босқичининг барча жуфтликлари аниқ бўлгани маълум қилинганди.
