«Манчестер Юнайтед» ҳужумчиси Маркус Рэшфорд ўтган мавсум ижара асосида тўп тепган «Барселона»даги собиқ жамоадоши Ламин Ямалнинг имкониятларига юқори баҳо берди. У каталониялик футболчини Лионел Месси билан таққослади. Бу ҳақда Мundo Deportivo хабар берди.
«Барселона»ни тарк этишимдан олдин Ламин Ямалга шахсан айтдим: фаолиятим давомида жуда кўплаб иқтидорли футболчилар билан бирга ўйнаганман, аммо у уларнинг барчасидан анча устун.
Мен ҳеч қачон бундай ёшда табиий иқтидори шунчалик юқори бўлган футболчини кўрмаганман. Шунча йиллар давомида кузатган футболчиларим орасида у Лионел Месси даражасига энг яқин келган ўйинчи. Бу йигитга чексиз ишонаман. Агар вақт ўтиши билан 7 та «Олтин тўп»ни қўлга киритса, бундан мутлақо ажабланмайман. У аллақачон овоз бериш натижаларида кучли учликдан жой олган. Бунинг устига, атиги 19 ёшида!» — деди Рэшфорд.
Маълумот учун, Рэшфорд 2024/25 йилги мавсумда «Барселона» сафида ижара асосида тўп тепган, кейинчалик «Манчестер Юнайтед»га қайтган.
Эслатиб ўтамиз, Ламин Ямал 2025 йилда «Олтин тўп» учун овоз бериш якунларига кўра кучли учликдан жой олган эди.
