Сербиялик теннисчи Новак Жокович фаолиятида 21-марта мавсумни ATP рейтингининг энг кучли 20 нафар теннисчиси қаторида якунлади.
39 ёшли спортчи 2006 йилдан 2026 йилгача бўлган барча мавсумларда кучли йигирматаликдан жой олишга муваффақ бўлди. Айни пайтда у жаҳон рейтингида 12-ўринни эгаллаб турибди.
Шу тариқа, Жокович швейцариялик афсонавий теннисчи Рожер Федерернинг рекордини такрорлади. Федерер ҳам 2001–2021 йиллар оралиғида 21 марта мавсумни дунёнинг энг кучли 20 теннисчиси сафида якунлаган.
Ушбу кўрсаткич бўйича 3-ўрин испаниялик Рафаэл Надалга тегишли. У 2005 йилдан 2022 йилгача кетма-кет 18 мавсум давомида ATP рейтингининг кучли йигирматалигидан жой олган.
Эндиликда Жокович келгуси мавсумда ҳам ушбу натижани қайд этса, Федерернинг рекордини янгилаши мумкин.
Аввалроқ германиялик Александр Зверев фаолиятида илк бор жаҳон рейтингида 1-ўринга кўтарилгани маълум қилинганди.
