«Астон Вилла» Алеҳандро Гарначони «Челси»дан бир мавсумга ижара асосида ўз сафига қўшиб олганини расман эълон қилди.
Клуб баёнотида 22 ёшли аргентиналик футболчи 2026/27 йилги мавсумни «Астон Вилла» сафида ўтказиши маълум қилинган.
Гарначо фаолиятини «Манчестер Юнайтед» академиясида бошлаган ва «Олд Траффорд» клуби сафида 144 та баҳсда майдонга тушган. У 2025 йилнинг ёзида «Челси»га кўчиб ўтган эди.
Ўтган мавсумда вингер лондонликлар сафида барча мусобақаларда 43 та баҳсда иштирок этиб, 8 та гол муаллифига айланди. Гарначо қанотларда ҳам, ҳужум марказида ҳам ўйнай олиши билан ажралиб туради.
Шунингдек, у Аргентина миллий жамоаси сафида 8 та баҳсда майдонга тушган. Футболчи 2024 йилда «Эвертон» дарвозасига урган ажойиб акробатик голи учун ФИФА Пушкаш мукофоти совриндорига айланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади