«Aston Villa» Alehandro Garnachoni «Chelsi»dan bir mavsumga ijara asosida o‘z safiga qo‘shib olganini rasman e'lon qildi.
Klub bayonotida 22 yoshli argentinalik futbolchi 2026/27 yilgi mavsumni «Aston Villa» safida o‘tkazishi ma'lum qilingan.
Garnacho faoliyatini «Manchester Yunayted» akademiyasida boshlagan va «Old Trafford» klubi safida 144 ta bahsda maydonga tushgan. U 2025 yilning yozida «Chelsi»ga ko‘chib o‘tgan edi.
O‘tgan mavsumda vinger londonliklar safida barcha musobaqalarda 43 ta bahsda ishtirok etib, 8 ta gol muallifiga aylandi. Garnacho qanotlarda ham, hujum markazida ham o‘ynay olishi bilan ajralib turadi.
Shuningdek, u Argentina milliy jamoasi safida 8 ta bahsda maydonga tushgan. Futbolchi 2024 yilda «Everton» darvozasiga urgan ajoyib akrobatik goli uchun FIFA Pushkash mukofoti sovrindoriga aylangan.
Muxlislar bu yangilikni Telegram’da muhokama qilmoqda
Izohlar Telegram’da ochiladi