«Барселона» футболчиси Рафиня Роберт Левандовскининг клубни тарк этиши ҳақида фикр билдирди.
37 ёшли ҳужумчи мавсумнинг сўнгги уй ўйини «Бетис»га қарши баҳс (3:1)дан сўнг «кўк-анорранглилар» мухлислари билан хайрлашди.
«Мен учун Роберт билан бир жамоада ўйнаш шараф эди. У клубга келган илк кунлариданоқ намуна бўла оладиган даражада профессионал эканини кўрсатди ва ўз тажрибасини бизга улашди.
Айримлар ютуқлардан кейин бўшашиб қолади, Левандовски эса бундайлардан эмас. У «Барселона»га келгунча ҳам барчасини ютган, аллақачон афсона эди, аммо барибир ғалаба қозонишни истарди.
Бу — мен ушбу тўрт йил давомида ундан ўрганган энг муҳим жиҳат. Ушбу мавсумда у доим ўйнай олмади, аммо барибир меҳнаткашлигича қолди. У барчамиз учун намуна», — дея Рафинянинг сўзларини келтиради Barca Universal.
Қайд этиш лозим, Роберт каталонияликлар сафида 192 та ўйинда иштирок этиб, 119 та гол урган.
