«ПСЖ» ҳужум чизиғини кучайтириш учун «Барселона» футболчиси Ферран Торрес номзодини кўриб чиқмоқда.
Хабарларга кўра, Париж клуби Бредли Баркола жамоани тарк этадиган бўлса, унинг ўрнини айнан испаниялик футболчи билан тўлдиришни режалаштирмоқда.
Ферран Торреснинг «Барселона» билан амалдаги шартномаси 2027 йилнинг июн ойига қадар мўлжалланган.
Шу билан бирга, аввалроқ каталонияликлар 25 ёшли футболчи билан янги битим имзолашни истаётгани ҳақида маълумотлар тарқалган эди.
Торрес ўтган мавсум самарали ўйин намойиш этди. У барча мусобақаларда 49 та баҳсда майдонга тушиб, 21 та гол урди ва 3 та голли узатмага муаллифлик қилди.
Маълумот учун, Ферран Торрес 2022 йилдан буён «Барселона» сафида тўп тепиб келмоқда ва жамоанинг ҳужум чизиғидаги муҳим футболчилардан бири ҳисобланади.
