«Барселона» сардори Рафиня Диас клуб сафида урилган голлар сони бўйича афсонавий ватандоши Роналдинио билан тенглашди.
Бразилиялик футболчи Чемпионлар лигаси умумий босқичининг 4-турида «Астон Вилла»га қарши баҳсда дубл қайд этди. У 52 ва 64-дақиқаларда рақиб дарвозасини ишғол қилиб, жамоасининг 3:0 ҳисобидаги ғалабасига ҳисса қўшди.
Barca Universal нашрининг хабар беришича, ушбу голлардан кейин Рафинянинг «Барселона» сафидаги барча турнирларда урган голлари сони 94 тага етди. Шу тариқа у 2003–2008 йилларда каталонияликлар шарафини ҳимоя қилган Роналдинио билан тенглашди.
Маълумот учун, Рафиня ушбу натижага эришиш учун 190 та баҳсда майдонга тушган. Роналдиниога эса 94 та гол уриш учун 207 та ўйин керак бўлган.
Эслатиб ўтамиз, «Барселона» «Астон Вилла»ни 3:0 ҳисобида мағлуб этиб, Чемпионлар лигаси умумий босқичида навбатдаги уч очкони қўлга киритди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади