«Барселона» Рафиня Диас билан меҳнат шартномасини узайтиришга яқин. Diario Sport нашри хабарига кўра, бразилиялик футболчи 5 ноябр куни клуб билан янги битим имзолаши керак.
Томонлар шартнома шартларини бир неча ҳафта аввал келишиб олган. Эндиликда фақат зарур ҳужжатларни имзолаш қолди. Янги келишув 2030 йилгача амал қилиши кўзда тутилган.
Рафиня 2022 йилдан буён «Барселона» шарафини ҳимоя қилмоқда. У ушбу мавсумда барча мусобақаларда 13 та баҳсда қатнашиб, 19 та гол урган ва учта голли узатмани амалга оширган.
Маълумот учун, Тransfermrkt портали 29 ёшли футболчининг бозор қийматини 70 миллион еврога баҳоламоқда.
Эслатиб ўтамиз, Рафиня 2022 йилда «Барселона»га қўшилган ва шундан буён жамоанинг муҳим футболчиларидан бирига айланган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади