«Ливерпул» вингери Бредли Барколя «ПСЖ»дан Англия клубига ўтиши ҳақида фикр билдирди. Футболчи ёзги трансфер ойнасида клубини ўзгартирган ва янги жамоасидаги фаолиятини бошлаган.
«ПСЖ»дан кетиш учун айни вақт келганини ҳис қилдим. У ерда ажойиб йилларни ўтказдим ва жуда кўп совринларни қўлга киритдим. Аммо кетиш вақти келганди. Бу осон бўлмади, лекин футбол шундай. «Ливерпул»га ўтиш борасида ҳеч қандай шубҳам йўқ эди. Айнан шу ерга келишим кераклигига ишончим комил эди», — дея футболчининг сўзларини Sky Sports келтирмоқда.
Маълумот учун, Барколя «Ливерпул» сафида барча мусобақаларда 12 та баҳсда майдонга тушиб, учта гол урди ва иккита голли узатмани амалга оширди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади