«Ливерпул» яримҳимоячиси Райан Гравенберх Чемпионлар лигаси умумий босқичининг 4-тури доирасида «Фенербаҳче»га қарши баҳсда жамоасига ёрдам бера олмайди.
Клуб расмий сайти хабар беришича, нидерландиялик 24 ёшли футболчи товонидаги жароҳат сабабли Истанбулга йўл олган делегация таркибига киритилмаган.
Гравенберҳ даволанишни давом эттириш учун машғулотлар марказида қолади. У тиббиёт штаби назорати остида тикланиш жараёнини ўтайди.
Аввалроқ «Ливерпул» яна бир футболчиси Жереми Фримпонгни мушак жароҳати туфайли йўқотган эди. Шунингдек, тиззасидан операция ўтказган Конор Брэдли ҳамда тиззадаги крестсимон боғламларидан оғир жароҳат олган Жованни Леони ҳам тикланиш жараёнини давом эттирмоқда.
Эслатиб ўтамиз, «Фенербаҳче» — «Ливерпул» учрашуви 4 ноябр куни бўлиб ўтади.
