Суперлига 6-тури доирасида ўтказилган «Қўқон-1912» — «Насаф» (1:1) беллашувида юзага келган баҳсли вазият бўйича Эксперт ҳакамлар гуруҳи ўз хулосасини билдирди.
«Ўйиннинг 78-дақиқасида бош ҳакам томонидан «Насаф» жамоаси дарвозаси томон пеналти белгиланганди. Ушбу эпизод Эксперт ҳакамлар гуруҳи томонидан батафсил ўрганиб чиқилди.
Кўриб чиқиш натижаларига кўра, бош ҳакам Рустам Лутфуллин томонидан пеналти белгилаш қарори хато деб топилди.
Шунингдек, VAR ҳаками томонидан ушбу вазиятда тўғри аралашув амалга оширилмагани, яъни ҳакамни мониторга чақиришда хатога йўл қўйилгани қайд этилди», — дейилади ЎзФҲМ хабарида.
