«Реал» «Челси» ва Аргентина миллий жамоаси яримҳимоячиси Энцо Фернандес билан келишувга эришди. Бу ҳақда журналист Николо Скира хабар берди.
Мадридликлар ва футболчи ўртасида 2032 йилгача мўлжалланган шартнома борасида ўзаро келишув мавжуд. Қайд этилишича, «Реал» футболчини қўлга киритиш учун «Челси»га катта таклиф тайёрламоқда. Шунингдек, Фернандеснинг ўзи ҳам Лондон клубини тарк этиб, Мадридга ўтишни истамоқда.
Якунланган мавсум Энцо барча мусобақаларда 54 та ўйинда иштирок этиб, 15 та гол ва 7 та ассист қайд этди. Унинг амалдаги шартномаси 2032 йил ёзигача амал қилади.
Аввалроқ Энцо Алонсога «Челси»дан кетмоқчилигини маълум қилганди.
