«Реал» ҳимоячиси Ферлан Менди катта эҳтимол билан шу ёзда жамоани тарк этади. Бу ҳақда Diario AS нашри хабар берди.
Манбага кўра, Мадрид клуби франциялик футболчи билан шартномани бекор қилиш имкониятини кўриб чиқмоқда.
Қайд этилишича, футболчининг ўзи «қаймоқранглилар»га ён босмайди ва келишув бекор қилингани учун тўлиқ товон пули талаб қилади.
Маълумот учун, Ферлан 2019 йилда «Реал»га «Лион»дан 48 миллион евро эвазига ўтган. Унинг «қаймоқранглилар» билан шартномаси 2028 йилнинг 30 июнигача мўлжалланган.
Ўтган мавсумда у «Реал» клуби сафида барча турнирларда тўққизта ўйин ўтказган. Transfermarkt портали Мендининг нархини тўрт миллион еврога баҳоламоқда.
