«Барселона» вингери Рафиня ёзги трансфер ойнасида клубини ўзгартириши мумкин. Бу ҳақда Sport нашри хабар берди.
Манбага кўра, бразилиялик 29 ёшли футболчига «Ал Ҳилол» жиддий қизиқмоқда. Футболчининг ўзи ҳам Саудия Арабистони клубига ўтишга қарши эмас.
Қайд этилишича, Рафиня жаҳон чемпионатидан сўнг саудияликлар билан музокаралар ўтказишга тайёр бўлади.
Ҳозирда футболчи бор эътиборини мундиалга қаратган ва таклифларни кўриб чиқмоқчи эмас.
Футболчининг «Барселона» билан шартномаси 2028 йилнинг ўрталаригача мўлжалланган. Transfermarkt портали Рафиняни 70 миллион еврога баҳоланмоқда.
