Футбол мутахассиси Александр Григорян жаҳон чемпионати гуруҳ босқич 1-тур доирасидаги Ўзбекистон ва Колумбия жамоалари ўртасидаги ўйин ҳақида фикр билдирди.
«Ўзбекистонликлар ўйин сўнгида иккинчи голни уриши мумкин эди. Каннаваро мўжизаси ишлаяпти, у шундай мусобақаларда фойда келтиради. Қайд этиш лозим, Фабио жамоага ҳимояда ишонч бағишлади», — деди мутахассис «Матч ТВ» эфирида.
Эслатиб ўтамиз, Ўзбекистон миллий жамоаси мундиалдаги илк ўйинида Колумбияга 1:3 ҳисобида мағлуб бўлди. Каннаваро шогирдлари ҳозир гуруҳда сўнгги ўринни эгаллаб турибди. Кейинги баҳсни ўзбекистонлик футболчилар 23 июн куни Португалияга қарши ўтказади.
