«Бавария» вингери Майкл Олисе Чемпионлар Лигаси умумий босқичининг 4-туридан ўрин олган «Атлетико»га қарши баҳсда майдонга тушмаслиги мумкин. Бу ҳақда L’Équipe нашри хабар берди.
Маълум қилинишича, франциялик футболчи Бундеслиганинг 9-турида Дортмунднинг «Боруссия» жамоасига қарши кечган (2:2) учрашувда ўнг тиззасидан жароҳат олган.
Кеча, 1 ноябр куни Олисе Мюнхен клубининг машғулот базасида даволанишни давом эттирди. Унинг тикланиш муддати ҳозирча маълум қилинмаган.
Бугун, 2 ноябр куни эса вингер тиббий кўрикдан ўтади. Текширув натижаларига кўра, мюнхенликлар футболчининг жамоа билан Мадридга бориши ва бўлажак учрашувда иштирок эта олишини аниқлайди.
Маълумот ўрнида, 24 ёшли Олисе ушбу мавсум Бундеслиганинг 8 та учрашувида 6 та гол ва 3 та ассист, Чемпионлар Лигасининг 2 та баҳсида эса 2 та гол ва 1 та ассист қайд этган.
Эслатиб ўтамиз, «Атлетико» — «Бавария» учрашуви 3 ноябрдан 4 ноябрга ўтар кечаси Тошкент вақти билан соат 01:00 да бошланади.
