«Реал» ҳужумчиси Килиан Мбаппе Ла Лиганинг 11-турида «Расинг»га қарши учрашув вақтида тўп теккан ёш мухлис ҳолидан хабар олди.
Ушбу баҳсда мадридликлар 3:0 ҳисобида ғалаба қозонди. Ўйин давомида Орелиен Чуамени жарима майдони ташқарисидан кучли зарба йўллади. Тўп трибунада ўтирган болага бориб тегди.
Баҳсдан кейин «Реал» вакиллари ёш мухлисни жамоанинг кийиниш хонасига олиб боришди. У ерда бола футболчилар билан учрашиб, улар билан суратга тушди.
Мбаппе боланинг аҳволини сўраб, ҳазиломуз тарзда: «Қалайсан? Ҳаммаси жойидами? Муаммо шундаки, у дарвозага зарба беришни билмайди, шундай эмасми?» — деди.
Маълумот ўрнида, «Реал» 11 учрашувдан кейин 27 очко билан турнир жадвалида 3-ўринни эгаллаб турибди. «Расинг» эса 11 очко билан 15-поғонада бормоқда.
Жозе Моуринио шогирдлари навбатдаги учрашувни Чемпионлар Лигаси доирасида АЕКка қарши ўтказади.
