«Ливерпул» бош мураббийи Андони Ираола АПЛнинг 9-турида «Арсенал»га қарши учрашувдаги мағлубиятга қарамай, жамоасининг ҳаракатларидан қониқиш ҳосил қилганини айтди.
«Албатта, бугун бошқача натижа қайд этишни истагандик. Айниқса, ўйиннинг бошидаги хатоларимиз учун ўзимиз айбдормиз.
Гол ўтказиб юборганимиздан кейин, эҳтимол, ҳимоя қилишга арзийдиган нарса қолмагандир. Шу боис эркинроқ ва жасурроқ ўйнай бошладик.
Менимча, биринчи бўлимда ўйиннинг боришини ўзгартирдик ва уни яхши якунладик. Иккинчи бўлимда эса ҳисобни тенглаштиришга ҳаракат қилдик, аммо гол ура олмадик.
Имкониятларимиз бўлди, тўпни дарвоза тўсинига ҳам теккиздик. Бироқ вазиятлардан фойдалана олмадик. Биз, албатта, гол уришга лойиқ эдик.
Ўтказиб юборилган голдан кейин футболчиларимизнинг реакцияси менга ёқди. Ўйинимизда менга маъқул бўлган жиҳатлар кўп бўлди. Шу руҳда давом этишимиз керак.
Мавсум энди бошланди. «Арсенал» ҳозир қулай вазиятда, аммо ҳали ноябр ойининг боши. Олдинда кўплаб учрашувлар бор», — деди Ираола.
Эслатиб ўтамиз, «Ливерпул» ўз майдонида «Арсенал»га 0:1 ҳисобида имкониятни бой берди. Учрашувдаги ягона голни Кай Ҳаверц киритди.
