Оби Микел: «Винисиус шунчаки «Реал»дан яхшироқ шартнома олиш учун «Арсенал»дан фойдаланмоқда»

«Челси»нинг собиқ яримҳимоячиси Жон Оби Микел Винисиус Жуниорнинг «Арсенал»га ўтишига ишонмайди.

Аввалроқ «Реал» билан шартномасини узайтириш бўйича музокаралар олиб бораётган вингерга Лондон клуби қизиқиш билдираётгани ҳақида хабарлар тарқалганди.

«У келмайди! Буни унутинг. У «Арсенал»дан «Реал» билан янада қулайроқ шартнома тузиш учун фойдаланмоқда. У Мадридни тарк этмайди. Бунга 100 фоиз аминман. У кетмайди! У ҳозирги клубидан яхшироқ шартнома олиш учун «Арсенал»дан фойдаланмоқда.

У нега «Реал»ни тарк этсин? Қаранг, «Арсенал» — катта клуб. Агар «Арсенал» катта клуб эмас десам, ёлғон гапирган бўламан. Ҳа, «Арсенал» — катта клуб, аммо «Реал» — бу мутлақо бошқа даража. Менимча, шартнома бўйича музокаралар анча вақтдан бери давом этмоқда», — деди Оби Микел ўзининг The Obi One Podcast подкастида.