UFC чемпиони Ислом Махачев яқин бир неча йил ичида фаолиятини якунлаш нияти йўқлигини маълум қилди.
«Мен ҳеч қачон рекордлар ортидан қувмаганман, лекин бундай ғалабалар сериясига эга бўлиш — жуда яхши ҳиссиёт (у UFC'да кетма-кет 16 та жангда ғалаба қозониб, Андерсон Силванинг натижасига тенглашди). Сўнгги пайтларда кўплаб чемпионлар мағлуб бўлмоқда. Бу ҳақда жамоамиз билан гаплашдик. Кимдир эътиборини йўқотган, кимдир эса етарлича қаттиқ машқ қилмаяпти. Бизнинг жамоада бундай ёндашувга ўрин йўқ. Биз бошқалардан ҳам қаттиқроқ машқ қиламиз. Чемпион бўламизми ёки йўқми — ҳаммамиз бир хил мураббийлар қўлида тайёргарлик кўрамиз ва улар барчамизга бирдек юқори юклама беради.
Кимдир фаолиятимни якунлаётганим ҳақида ёлғон хабарлар тарқатмоқда. Бу ҳақиқат эмас. Яхши спорт формасида бўлишинг ва дунёнинг энг яхши жангчиси эканлигинг — спортдан ташқарида топиб бўлмайдиган ажойиб туйғу.
Фаолиятимни давом эттираман ва барча рекордларни янгилашни истайман. Шунинг учун яна бир неча йил жанг қиламан», — деди Махачев.
Махачев навбатдаги жангини 16 август куни UFC 330 турнирида Иэн Гаррига қарши ўтказади.
Махачев фаолиятини якунлаши ҳақидаги хабарларга муносабат билдирди
MMA
6 август, 16:20
UFC чемпиони яна бир неча йил жанг қилиб, барча рекордларни янгиламоқчи.
Foto: Getty Images
