«Манчестер Юнайтед»нинг Сандро Тоналини трансфер қилиш режаси қийинлашди. Бу ҳақда GiveMeSport хабар берди.
Манбага кўра, «Нюкасл» италиялик яримҳимоячини сотишни истамаяпти ва уни жамоанинг муҳим қисми деб ҳисобламоқда. Шу сабаб трансфер амалга ошиши деярли имконсиз бўлиб турибди.
Шу билан бирга, манкунианлар бошқа йўналишда олдинга силжиган. Қайд этилишича, клуб «Брайтон» яримҳимоячиси Карлос Балеба билан шахсий шартлар борасида келишувга эришган.
22 ёшли футболчи клуб ичида узоқ муддатли лойиҳа учун асосий вариант сифатида кўрилмоқда. У Каземиронинг эҳтимолий ўрнини босувчи сифатида баҳоланмоқда.
Бироқ «Брайтон» футболчини арзон қўйиб юбормоқчи эмас — унинг трансфер нархи 80 миллион фунтгача баҳоланмоқда.
Маълумот учун, «Манчестер Юнайтед» ёзги трансфер ойнасида яримҳимоя чизиғини кучайтиришни асосий вазифалардан бири сифатида белгилаган.
