Криштиану Роналду «Манчестер Юнайтед»га қайтмайди.
«Ан Наср» ҳужумчиси клуб ва лига раҳбарларидан норозилик сабаб Саудия Арабистони чемпионатида икки беллашувни ўтказиб юборди — «Ар Риёд» (1:0) ҳамда «Ал Иттиҳод»га 2:0) қарши.
Аввалроқ 41 ёшли футболчи Саудия Арабистони Суверен жамғармаси (PIF) клубларни рақобатчиларга нисбатан қандай бошқараётганидан норози экани ва «Ан Наср»га чемпионлик учун курашда тўсқинлик қилинмоқда, деб ҳисоблаётгани хабар берилганди. Шунингдек, у рақобатга зарар етказилиши сабабли Карим Бенземанинг «Ал Ҳилол»га ўтишига қарши чиққанди.
Яна ёзилишича, Риёд клубидаги маошлар бўйича қарздорлик ҳам Криштианунинг «Ал Иттиҳод»га қарши ўйинда майдонга тушмаслигига сабаб бўлган.
Журналист Саша Таволерининг «Манчестер Юнайтед»га яқин манбаларга таяниб хабар беришича, инглиз клуби португалиялик футболчини қайтаришга қизиқмаяпти. Роналду манкунианлар сафида 2003–2009 йиллар ҳамда 2021–2022 йиллар оралиғида тўп тепган.
