«Ан Наср» ҳужумчиси Криштиану Роналдунинг иш ташлаши Карим Бензема ва Нголо Канте трансферларининг амалга ошишига таъсир кўрсатмоқда.
Аввалроқ португалиялик юлдуз Саудия Арабистони Суверен жамғармасини (PIF) клубларга, хусусан, «Ан Наср»га етарлича эътибор қаратмасликда («Ал Ҳилол» билан солиштирганда) айблаётгани хабар қилинганди. Шунингдек, у Карим Бенземанинг «Ал Ҳилол»га ўтишига «рақобатга зарар етказади» деган сабаб билан қарши чиқмоқда. Шу боис 40 ёшли форвард Саудия чемпионатининг «Ар Риёд»га қарши ўйинида майдонга тушишдан бош тортди.
LʼEquipe хабарига кўра, Нголо Кантенинг «Ал Иттиҳод»дан «Фенербаҳче»га ўтиши деярли тўлиқ келишиб олинган. Юcуф Ан Носири эса бунинг эвазига тескари йўналишда Жидда клубига ўтиши керак.
Бироқ Канте Истанбулга йўл ололмаяпти, чунки Ан Носири трансферини якунлаш учун «Ал Иттиҳод» Бенземанинг клубни ҳақиқатан тарк этишига ишонч ҳосил қилиши керак. Роналдунинг аралашуви сабабли франциялик футболчи ҳали ҳам «Ал Ҳилол»га ўтишини кутиб турибди, гарчи у аллақачон Риёд клуби билан келишувга эришган бўлса ҳам.
Криштиану PIF'га босим ўтказишда давом этмоқда. У Саудия Арабистонининг энг йирик клублари учун масъул бўлган молиявий орган «Ан Наср»га етарлича эътибор бермаяпти, деб ҳисоблайди. Ушбу қадам орқали у ўз клуби учун PIF'дан режалаштирилмаган қўшимча молиялаштириш олишни умид қилмоқда.
