Португалиялик ҳужумчи Криштиану Роналду «Ан Наср»даги вазиятдан норози ва ўйинларда иштирок этишдан бош тортмоқда. Бу ҳақда A Bola нашри хабар берди.
Маълум қилинишича, Роналду «Ан Наср»нинг «Ар Риёд»га қарши навбатдаги учрашувини ўтказиб юбормоқчи. Криштиану Саудия Арабистони Давлат инвестиция жамғармаси (PIF) клубни қандай бошқараётганидан қониқмаяпти.
Шунингдек, португалиялик футболчи «Ан Наср»га етарли даражада сармоя киритилмаётганидан ҳам шикоят қилмоқда. Роналдунинг фикрича, клуб раҳбарияти трансфер бозорида анча фаол бўлаётган «Ал Ҳилол» билан таққослаганда «Ан Наср» манфаатларига зарар етказмоқда.
Маълумот ўрнида, Роналду 2023 йилдан буён риёдликлар сафида тўп тепмоқда. Унинг клуб билан тузган шартномаси 2027 йилгача амал қилади.
Аввалроқ Бензема ўз талаблари бажарилмагунча «Ал Иттиҳод» сафида майдонга чиқиш ниятида эмаслиги маълум қилинганди.
