Карим Бензема ва «Ал Ҳилол» мавсум охиригача олти ойлик шартнома тузиш бўйича келишувга эришди. Бу ҳақда журналист Санти Ауна хабар бермоқда.
Аввалроқ 38 ёшли ҳужумчи «Ал Иттиҳод» таклиф этган шартномадан норози бўлиб, жиддаликлар сафида ўйнашдан бош тортгани маълум бўлганди.
Манбага кўра, музокаралар давом этмоқда. Томонлар шартнома муддатининг эҳтимолий узайтирилиши ва маош масаласида яна бир бор учрашишади.
Бензема бу мавсумда Саудия Пролигасида 14 ўйинда 8 та гол урган. Унинг клуби «Ал Иттиҳод» лигада 6-ўринни, эҳтимолий янги жамоаси «Ал Ҳилол» эса 1-поғонани эгаллаб турибди.
