Football.London хабарига кўра, Михаил Мудрик билан камида учта Англия Премер-лигаси клуби қизиқмоқда. Улар орасида Френк Лемпард бошчилигидаги «Ковентри» ҳам бор. Лемпард аввал Мудрик билан бирга ишлаган.
Бундан ташқари, украиналик футболчининг Франциянинг «Страcбург» клубига ўтиши ҳам кўриб чиқилмоқда.
Мудрикнинг фаолияти эса узоқ танаффусдан сўнг қайта тикланиши мумкин. 2024 йилда унинг допинг намунасида мелдоний аниқлангач, футболчи вақтинча четлатилган эди. 2025 йил май ойида Англия футбол ассоциацияси (ФА) унга антидопинг қоидаларини бузганлик бўйича айблов қўйган ва кейинчалик футболчи тўрт йилга дисквалификация қилинган.
Бироқ 2026 йил 31 июл куни ФА Мудрик бўйича интизомий иш якунланганини ва дисквалификация бекор қилинганини тасдиқлади.
Шу сабабли 25 ёшли вингер учун янги клубга ижара асосида ўтиш — узоқ танаффусдан кейин профессионал футболдаги фаолиятини қайта бошлаш имконияти бўлиши мумкин.
Маълумот учун, Мудрик сўнгги расмий учрашувини 2024 йилда ўтказган.
