Diario AS маълумотига кўра, «Реал» бош мураббийи Жозе Моуринио Винисиус Жуниорни «Атлетико»га қарши баҳсда захирада қолдирмоқчи эмас.
Манбага кўра, португалиялик мутахассис бразилиялик футболчини қўллаб-қувватлашни ва аввалги хатоларни такрорламасликни истамоқда. Шу сабабли Винисиус яхши спорт формасида бўлмаса ҳам, асосий таркибдан жой олиши кутилмоқда.
Бироқ Ян Диоманденинг сўнгги баҳслардаги самарали ўйини Винисиуснинг яқин келажакда асосий таркибдаги ўрнини хавф остида қолдириши мумкин.
Эслатиб ўтамиз, «Атлетико» ва «Реал» ўртасидаги Ла Лиганинг 7-туридан ўрин олган баҳс 20 сентябр куни бўлиб ўтади. Беллашув Тошкент вақти билан 19:15 да бошланади.
Маълумот учун, Винисиус ушбу мавсумда Ла Лигада бешта баҳсда майдонга тушиб, гол ура олмаган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади