«Кристал Пэлас» яримҳимоячиси Адам Уортон қишки трансфер ойнасида жамоасини тарк этиши кутилмаяпти. Бу ҳақда инсайдер Дэвид Орнштейн хабар берди.
Манбага кўра, англиялик 22 ёшли футболчига бир қатор топ клублар қизиқиш билдириб келаётган бўлса-да, ҳозирча унинг январ ойида трансфери амалга ошиши эҳтимоли паст. Футболчига «Челси» ва «Ливерпул» жамоалари жиддий қизиқиш билдирмоқда. Бу клублар Уортон трансферига асосий даъвогар сифатида кўрсатилмоқда.
Ўз навбатида «Кристал Пэлас» раҳбарияти ҳам Адамни сотиб юборишни режалаштирмаяпти. Шу сабаб клуб топ жамоалардан келаётган таклифларни кўриб чиқмаяпти.
Маълумот учун, Уортон 2024 йилда «Блэкберн»дан «Кристал Пэлас»га кўчиб ўтган. Унинг жамоа билан амалдаги шартномаси 2029 йил ёзигача мўлжалланган.
Аввалроқ «Астон Вилла» клуби «бургутлар» форварди Жан-Филипп Матетани ўз сафига қўшиб олиши мумкинлиги хабар қилинганди.
