«Реал» вингери Винисиус Жуниор «Элче» устидан қозонилган ғалабадан сўнг ўзининг голсиз сериясига муносабат билдирди. «Қироллик клуби» ушбу баҳсда 3:2 ҳисобида ғалаба қозонди.
Бразилиялик футболчи баҳсни асосий таркибда бошлади ва 68-дақиқада алмаштирилди. Учрашувда самарали ҳаракат қайд этмаган 26 ёшли ҳужумчи кетма-кет бешинчи баҳсда гол ура олмади.
«Голлар албатта келади. Энди бунча кўп имкониятларни бой беришим мумкин эмас. Якшанба куни яхшироқ бўлади. Ҳала Мадрид», — деб ёзди Винисиус ижтимоий тармоқларда.
«Реал» навбатдаги баҳсини 20 сентябр куни сафарда «Атлетико»га қарши ўтказади. Мадрид дербиси Тошкент вақти билан 19:15 да бошланади.
