АҚШ миллий жамоаси бош мураббийи Маурицио Почеттино «Челси»дан 2016/17 йилги мавсумдаги АПЛ чемпионлиги унвонини олиб, «Тоттенҳэм»га бериш кераклигини таъкидлади.
Ўша мавсумда Почеттино бошқарган «Тоттенҳэм» 86 очко билан иккинчи ўринни эгаллаган. «Челси» эса Антонио Конте қўл остида 93 очко жамғариб, чемпионликни қўлга киритган.
Почеттино «Челси»нинг ўша даврдаги трансферлар билан боғлиқ қоидабузарликлари учун жазоланганини эслатиб, агар қоидалар бузилгани тасдиқланган бўлса, чемпионлик соврини иккинчи ўринни эгаллаган жамоага берилиши кераклигини айтди.
«Агар сиз қоидаларни бузган бўлсангиз, демак, чемпионликка лойиқ эмассиз. Соврин бошқа жамоага берилиши керак», — деди Почеттино Меtrо нашрига берган интервюсида.
Аргентиналик мутахассис «Челси» ўша мавсумда ёмон ўйнагани ёки Конте жамоаси чемпионликка лойиқ бўлмагани ҳақида гапирмаётганини алоҳида таъкидлади. Унинг фикрича, асосий масала барча клублар учун қоидаларнинг бир хил қўлланишида.
Почеттино 2014–2019 йилларда «Тоттенҳэм»ни бошқарган, 2023/24 йилги мавсумда эса «Челси» бош мураббийи бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади