«Манчестер Юнайтед» ёшлар жамоаси ҳужумчиси Жей-Жей Габриел фаолиятини Мадриднинг «Реал» клубида давом эттириши мумкин. Бу ҳақда Тhe Touchlinе хабар берди.
Манбага кўра, 15 ёшли футболчи клубни эркин агент сифатида тарк этмоқчи эканини «Манчестер Юнайтед»га билдирган. Айни пайтда Габриел учун курашда «Реал» етакчилик қилмоқда.
Англиялик футболчига «Барселона», «ПСЖ» ва «Бавария» ҳам қизиқиш билдираётгани ҳақида хабарлар тарқалган. «Манчестер Юнайтед» эса уни жамоада олиб қолишга уринмоқда.
Қайд этилишича, манкунианликлар Габриелни ушбу мавсумда асосий жамоада синаб кўришни режалаштирган. Ҳужумчи жорий мавсум ёшлар жамоаси сафида учта баҳсда бешта гол ва иккита голли узатмага муаллифлик қилган.
