Миржалол Қосимов: «Икикнчи бўлимда яратган имкониятларимиз йил охиригача етса керак»

ОКМК клуби ўз уйида «Динамо»ни қабул қилди ва 0:1 ҳисобида ютқазиб қўйди. Охирги пайтларда олмалиқликлар омадсиз ўйинлар ўтказмоқда ва очколарни бой беряпти. Навбатдаги учрашувдан кейин ОКМК бош мураббийи Миржалол Қосимов матбуот анжуманида фикрлари билан ўртоқлашди.

- Учрашувга келадиган бўлсак, томошабоп ўйин бўлди. Ҳаддан ошиқ очиқ ўйин бўлди. Ўша гапим: футболда вазиятлар учун гол берилмайди. Яратилган имкониятлардан унумли фойдаланиб гол уриш керак. Иккинчи бўлимда яратган имкониятларимиз йил охиригача етса керак. Ҳозирги кунда бундай вазиятлар яратиш осон эмас, ҳар бир учрашувда курашлар бўляпти ва кўп имкониятлар яратиб бўлмайди. Биринчи бўлимни ўзида гол уриш керак эди. Хазратда ҳам бўлди. «Бухоро»га қарши ўйинда ҳам 4 та 100 фоизли имкониятларга эга бўлгандик, шулардан фойдаланиш керак эди. «Насаф» билан ҳам ёмон ҳаракат қилганимиз йўқ. Жуда кўп вазиятлар яратяпмиз, лекин гол ура олмаяпмиз. Ўйин қайта кўриб чиқиб, хулоса чиқарамиз.

- ОКМКни кетма-кет учта мағлубияти кейинги ўйинларга руҳий тарафдан қанчалик таъсир қилиши мумкин?

- Ҳаммамиз ҳам инсонмиз, кимгадир таъсир қилиши мумкин. Лекин бунга йўл қўйилмайди. Бундан тўғри хулоса чиқарамиз, ҳаёт давом этади, янада ҳаракат қилиш керак. Тушкунликка тушиб ўтирсак, ҳеч ким четдан келиб қўлини узатмайди. Ўзимиз шу вазиятга тушдикми, жамоамиз билан куч топиб, тўғри хулоса чиқариб, бундан чиқишимиз керак», - дея бош мураббийнинг сўзларини келтиради Tribuna.uz мухбири.