Аргентина миллий жамоаси 6 октабр куни Бенин билан баҳс олиб боради. Мазкур беллашув Лионел Мессининг терма жамоадаги сўнгги ўйини бўлиши кутилмоқда. Хабарга кўра, 39 ёшли ҳужумчи ушбу баҳсда махсус дизайндаги либосда майдонга тушади.
Футболка дизайнида ҳаворанг асосий ранг сифатида танланган бўлиб, унинг марказида битта оқ чизиқ жойлашади. Шунингдек, футболчининг рақами ва фамилияси одатдаги қора рангда эмас, олтин рангда ёзилади. Либосда стандарт формадан фарқ қилувчи яна бир нечта кичик ўзгаришлар ҳам бўлади.
Маълумот учун, Месси Аргентина миллий жамоасидаги дебютини 2005 йил 17 август куни Венгрияга қарши баҳсда ўтказган. У мазкур беллашувда майдонга тушганидан атиги 40 сония ўтиб, қизил карточка олган.
Эслатиб ўтамиз, Месси Аргентина билан 2022 йилги жаҳон чемпионатида ғолиб чиққан.
