Аргентина миллий жамоаси яримҳимоячиси Алексис Макаллистер «Интер Майами» форварди Лионел Месси «Олтин тўп»ни қўлга киритишга муносиб эканини таъкидлади.
«Албатта, аргентиналиклар сифатида Мессининг «Олтин тўп»ни ютишини истаймиз. Лео жаҳон чемпионатини ажойиб ўтказди ва нима учун бу совринни олмаслиги кераклигини тушунмаяпман.
Ҳозир статистика жуда муҳим рол ўйнайди. Авваллари бунга бунчалик катта аҳамият берилмасди. Барча даъвогарлар ажойиб футболчилар ва совринга яқин келган ҳар бир футболчи ғалабага муносиб.
Лео ҳар доим жамоавий ютуқларни шахсий совринлардан устун қўйган. Шу сабабли «Олтин тўп»ни қўлга кирита олмаса ҳам, бу унинг учун катта муаммо бўлмайди», — дея Макаллистернинг сўзларидан келтиради ESPN нашри.
Эслатиб ўтамиз, «Олтин тўп» соврини 26 октябр куни Лондонда топширилади. Месси ҳисобида аллақачон 8 та соврин бор.
