Миср миллий жамоаси бош мураббийи Ҳоссам Ҳассаннинг келажаги ноаниқ бўлиб қолди. Бу ҳақда Cairo 24 хабар берди.
Сўнгги кунларда Ҳассан бир қатор баҳсли вазиятлар марказида қолди. Жумладан, унинг дарвозабон Муҳаммад аш Шенавийга нисбатан билдирган фикрлари катта муҳокамаларга сабаб бўлди. Шунингдек, мураббий Анголага қарши учрашувнинг 61-дақиқасида жамоа етакчиси Муҳаммад Салоҳни захирага олгани учун ҳам танқид қилинди. Қоҳирада ўтказилган Африка Кубоги саралаш баҳси 0:0 ҳисобида якунланган.
Миср футбол федерацияси 29 сентябр куни Жанубий Суданга қарши бўлиб ўтадиган учрашувда кутилган натижа қайд этилмаса, шунингдек, кейинги ўртоқлик баҳсида ЖАРга қарши ўйиндан сўнг вазият ривожининг турли вариантларини кўриб чиқмоқда.
Агар Ҳоссам Ҳассан истеъфога чиқарилса, Миср футбол федерацияси миллий жамоа бошқарувини хорижлик мутахассисга топшириши мумкин.
