«Катта дубулға» турнирларининг етти карра чемпиони, дунёнинг учинчи ракеткаси, испаниялик спортчи Карлос Алкарас кортдаги шерикларига маслаҳат беришни ёқтиришини тан олди.
«Маслаҳат беришдан завқ оламан. Баъзида кўп гапираётгандек ва шеригимга ёрдам бераётганимни билолмаётгандек туюлади, аммо бор кучимни ишга соламан. Корт четидан нима кўраётганимни айтишга ҳаракат қиламан. Баъзида вазиятни аниқроқ кўриш мумкин. Бу менга жуда ёқади. Кортдаги ҳолатни қандай кўраётганим ҳақида ўз фикримни билдиришни яхши кўраман ва умид қиламанки, бу билан шерикларимга ёрдам бера оламан», – дея Алкараснинг сўзларидан иқтибос келтиради Mundo Deportivo.
Бу йилги «Лейвер кубоги – 2026» мусобақасида испаниялик теннисчи Европа жамоаси сафида иштирок этмоқда. Жуфтлик баҳсида Алкарас ва чехиялик теннисчи Якуб Меншик (рейтингда 15-ўрин) Қозоғистонлик теннисчи Александр Бублик (рейтингда 21-ўрин) ва америкалик Тейлор Фрицни (рейтингда 10-ўрин) 6:4, 6:4 ҳисобида мағлуб этишди.
