Аргентина миллий жамоаси сардори Лионел Месси ЖЧ-2026 яримфиналида Англияга қарши баҳснинг энг яхши футболчиси деб топилди.
ФИФА талқинига кўра, 39 ёшли ҳужумчи 2:1 ҳисобидаги ғалабада ҳал қилувчи рол ўйнади.
Месси учрашувда иккита голли узатмага муаллифлик қилди. У 86-дақиқада бурчак тўпининг амалга оширилишидан сўнг Энцо Фернандеснинг голига ассист берди. Орадан тўрт дақиқа ўтиб эса унинг жарима майдонига амалга оширган узатмасини Лаутаро Мартинес бош билан дарвозага йўллаб, Аргентина миллий жамоасига ғалаба келтирди.
Мазкур натижа эвазига Лионел Скалони шогирдлари кетма-кет иккинчи бор Жаҳон чемпионати финалига йўл олди. Месси эса мундиаллар тарихидаги яна бир йирик натижага яқинлашди.
Эслатиб ўтамиз, ЖЧ-2026 финал учрашуви 19 июл куни бўлиб ўтади. Унда Аргентина миллий жамоаси Испанияга қарши бош соврин учун майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади