Мендеш Ўзбекистонга урган голи ҳақида: «Жарима зарбасини Роналду амалга оширади деб ўйлашди»

Португалия миллий жамоаси ҳимоячиси Нуну Мендеш Ўзбекистонга (5:0) қарши Жаҳон чемпионати баҳсида жарима тўпидан урган голи ҳақида фикр билдирди.

«ПСЖ» аъзоси 17-дақиқасида тўғридан тўғри жарима зарбасидан Абдувоҳид Неъматов дарвозасини ишғол қилди. Тўп олдида ҳужумчи Криштиану Роналду ҳам турганди.

«Биз буни машқ қилганмиз. Ҳамма жарима зарбасини Криштиану тепади деб кутади. Буни яна такрорлаш мумкин. Балки мен билан бу сафар ўхшамас, лекин бошқа ўйинчилар билан амалга ошиши мумкин.

Хурсандми. Жуда диққат билан ўйнадик. Гуруҳда биринчи бўлиш учун кейинги баҳсга тайёрланишимиз керак.

Танқид — футболнинг бир қисми, бунга ўрганиб қолганмиз. Жамоада ҳамма бир-бирига ёрдам беради. Биз бунга тайёрмиз. Энг муҳими — ўз ғоямизга ва мураббий биздан нимани хоҳлаётганига эътибор қаратиш», — деди Мендеш TVI’га берган интервюсида.