Мексика президенти Клаудия Шейнбаум Эрон миллий жамоасининг жаҳон чемпионати гуруҳ босқичидаги ўйинлари АҚШдан Мексикага кўчирилмаслигини тасдиқлади.
«FIFA ўйинларни дастлабки белгиланган жойлардан бошқа ерга кўчириб бўлмаслиги ҳақида қарор қабул қилди. Бундай қадам ташкилотдан жуда катта логистик саъй-ҳаракатларни талаб қилган бўларди», – деди Шейнбаум.
Бундан аввал FIFA президенти Жанни Инфантино АҚШ ва Исроилнинг ҳарбий операциясига қарамай, Эрон миллий жамоаси жаҳон чемпионатига келишини таъкидлаганди. Март ойида Эрон футбол федерацияси президенти Меҳди Тож ташкилот FIFA билан жамоа ўйинларини Мексикага кўчириш масаласини муҳокама қилаётганини маълум қилганди.
